Nusery Veng Br. KṬP Acappella

Acapella kan neih ṭhat leh mumal taka kan neih awm chhun, KṬP Nursery Veng Branch Acapella chuan hla thar an peih leh tawh a, MDM Library-ah dah a ni tawh.

He Acapella hla thar hi 'Chu hmun chu' tih hla, Andrew-a phuah kha a ni. Video hi SVP kutchhuak a ni a, Ace Records-ah audio an record. Music erawh engmah an hmang lo a, an hman chhun chu an aw hmanga an siam, vocal music chauh a ni.

Music video an lo siam tawh a, a hlawhtling hle a, Kohhran ṭhalai inkhawmna hrang hrangah pawh sawm an hlawh hle. Anni hi mumal taka acapella group kan neih awm chhun an ni deuh mai a, an hlu hle.