Imfact concert ticket a lei theih ta. Chawhnu dar 3 aṭangin gate hawn ṭan tur

Aizawla concert rawn nei tur, Imfact te rawn kal a hnai tial tial a, an concert ticket pawh lei theih a ni ta. Ningani aṭang khan concert ticket hi hralh chhuah ṭan a ni a, Rs. 500 man a ni.

Imfact hi June 29, Nilainiah khian R. Dengṭhuama Hall, Mualpuiah concert an nei dawn a, heta an concert ticket hi zawrh chhuah ṭan a ni. Concert-na hmun turah hian ticket zawrh chhuah a nih dawn loh avangin en tumte tan chuan lei thuai chi a ni ang. Aizawl hmun hrang hrangah zawrh chhuah a ni a - Era Boutique, Millenium Center Ground Floor; Royal Enfield, Sikulpuikawn leh Veraz, Zarkawtah lei theih a ni.

Imfact concert turah hian ticket hi a tam lo a, hall-a mi leng an tam tawk loh avangin chan loh theih a ni ang. June 29-a an concert turah hian chawhnu dar 3 aṭangin gate hawn ṭan a ni ang a, tlai dar 5-ah chuan gate khar a ni tawh dawn a, a en tumte chuan dar 5 hmaa luh hman ngei a ngai. Concert tak tak hi chu zan dar 6 aṭanga ṭan tur a ni ang.

Kal hma a ngaih avangin a tam tak tan chaw ei hman loa kal a ngai dawn a, amah≠e≠rawhchu a hmunah canteen siam a ni dawn a, ei tur chi hrang hrang lei theih a ni ang.

Imfact te hi June 29 hian Aizawlah an rawn concert ang a, an tukah Gangtok, Sikkim-a K-Pop contest, North East Region neih turah an judge lehnghal dawn avangin an concert tuk hian Gangtok an pan a ngai dawn a ni. Imfact te hi Korean Cultural Centre India chuan an rawn kalna zawng zawng senso an tumsak a, Mizoramah hian Post Event Management chuan an lo dawngsawng dawn a ni.