Priscilla Fanai Music video a peih ta

Chart-ah pawh pakhatna a lo hauh tawh ṭhin a, Priscilla Fanai chuan music video thar peih ve leh ta.

Priscilla Fanai hla thar hi 'Lung ka chhir lo' tih hla a ni a, Zoremi Colney phuah a ni. Shillong vela an shot a ni a, a hmuhnawm viau ang a, a hla pawh a nalh viauin a rinawm. He hla hi Priscilla hian kum 2014-a a neih tawh kha a ni a, nikum khan recording pawh a ti tawh. Music hi Kima Chhangte kutchhuak a ni a, 3 Brothers Recording Studio-a record a ni a, video hi Ronald Zothantluanga kutchhuak a ni.

Tuna music video hi nikum September thla aṭanga Priscilla-i music video hmasa leh ber a ni. Priscilla hian hei bakah hian music video dang buaipui mek a nei bawk a, chu chu Zirsangzela Hnamte hla 'Bang ziakina?' tih hla kha a ni. Reiloteah he hla pawh hi kan hmuh theih a rinawm. Tuna a music video tihchhuah thar hi YouTube-ah pawh a dah tawh e.