Chris Rock leh RHCP radio-ah

Rock band Red Hot Chili Peppers chuan anmahni hmingin radio station an siam thar a, host-ah fiamthu thiam hmingthang, acting lamah pawh lo lang nual tawh, Chris Rock an hmang.

Radio hi SiriusXM hnuaia mi a ni dawn a, a hming hi Red Hot Chili Peppers Radio tih a ni. Nilaini aṭang khan he radio hi kalpui ṭan a ni. Radio-ah hian Red Hot Chili Peppers hlate tihchhuah a ni ang a, chubakah chung hlate chu an record dan te, an phuah dan leh hmun hrang hranga an lo sak tawh chanchinte tarlan tel a ni. Heng bakah hian Jimi Hendrix te Funkadelic leh zaithiam dangte hla leh music pawh tihchhuah a ni dawn a ni.

Red Hot Chili Peppers hian vawiin, Zirtawpni hian an studio album 11-na tur, The Getaway chu an hralh chhuak ang.