Kum 2014-a album hralh kal ber 1989

Taylor Swift hian ngaihzawng a thlak ngun tiin emaw, a ler tiin emaw miin sawiin, a ngaihzawng hluite hla a phuah vak zel titein sawisel mah se, a hlawhtlinpui tho si chuan a tum a hlawhtling tihna a ni a, a lawmpuiawm viau lawm ni! Kum 2014 chhunga album hralh kal ber chu Taylor Swift album thar ber 1989 kha a ni a, hei hian a hlawhtlinzia a pholang.

Kum 2013 kumtawp lama tihchhuah, Frozen OST kha hralh a kal hle a, nikum kumtir lamah phei kha chuan Billboard album chart-ah pakhatna a hauh awn awn a nih kha. Mahse kum a tawp a, Taylor Swift-in album thar a rawn tihchhuah meuh chuan Frozen OST pawh a kal zel thei lo, a khawng luah ringawt mai.

Nielsen SoundScan-in album hralh dan a tihchhuah hnuhnun ber, Billboard album chart hnuhnung berah khan Taylor Swift album 1989 hi copy 430,000 zet hralh belh leh a ni a, hengte nen hian Swift album 1989 hralh tawh zawng zawng hi copy mtd3.66 zet a ni.

1989 album ropuina dang leh pakhat chu release a nih aṭanga hapta kaw (9) chhung, hapta tin copy nuai hnih aia tam hralh ziah theih, kum 10 chhunga awm chhun a ni. Hapta kaw chhung ngawt mai, hapta tin copy nuai hnih aia tam hralh tlin ziah hnuhnung ber chu Usher-a album hit, Confession kha a ni. Kum 2004-a a tihchhuah a ni a, he album phei hi chu hapta 12 chhung ngawt hapta tin copy nuai hnih aia tam an hralh ziah thei a ni.