Bono-a'n guitar a perh thei tawh dawn lo

U2 frontman Bono chu a chetsualnaa a hliam tawrh avangin tun achinah guitar a perh thei tawh dawn lo.

Bono hi Nov 16 khan New York-a Central Park-ah bike a khalh a chesual a, a chetsual nasa a niang, a ruh a tikhawlo nasa hle. Kum 54 mi zaithiam hian a hma ruh, a mit ko vel a sawhchhia a, a dâr veilamah a ruh a titliak bawk a, hei bakah hian a bân veilam ruh a tliak bawk. Damdawi inah darkar nga zet zai a nih hnuah tunah chuan hma a sawn hret hret.

A chetsualna avang hian guitar a perh zui thei tawh dawn lo a, mahse a zai erawh a la zai zui zel thei chuan a rinawm. Kumin kum chanve chhung chu mipui hmaa inlan rih loh a tum avangin an band-in tour programme an lo siam tawh pawh ṭhulh a ngai dawn a ni.

Bono hian a chetsual chungchang sawiin, "Bike-a ka chetsual hnuah eng nge ka chungah thleng ka hre lo a, New York Presbyterian biak ina ka lo mut kawi nuaih dan pawh ka hre thei lo. Biak in chhungah leather jacket nen, thisen nena kawih nuaiin ka harh chhuak a ni," a ti.