Lawmi Khiangte leh Grace-i'n YouTube channel an siam thar

Lengzem huang chhunga zai≠thiam kan neihte zinga hlawhtling ber pawl, Lawmi Khiangte leh a
ṭhiannu, Grace-i te chuan YouTube-ah channel thar an siam.

Mizo zaithiam zingah a hranpa liau liaua YouTube-a channel siam kan la tam vak lo mai thei a, a nachang kan hre lo pawh a ni mai thei. Lawmi Khiangte leh a
ṭhiannu hi hma latu hmasate zingah an tel a ni.

YouTube-a an channel-ah hian Lawmi Khiangte music video neih tawh hote kan hmu dawn lo a, hla thar kan hmu ang. Hla tharah pawh Mizo hla ni loin, he channel hi mi hla an saksak (cover) dahna tur a ni. A hmasa berah chuan Bruno Mars hla hit 'Millionaire' kha an dah phawt a, hla dangte pawh an sain an la dah zel dawn a ni.

Lawmi chuan, "Music video ka neih tawhho dah nan a ni lo a, he channel hi sap hla kan sakte dahna tur a ni. Heng kan sakte hi a hnu zela TV-a dah pawh kan tum chuang lo," tiin a sawi. A ṭhiannu Grace-i hi mi thar a ni a, he channel kaltlang hian eng ang mi nge, engtiang taka zaithiam nge tih a hriat dawn. 'Billionaire' hi Grace-i tan video-a dah meuha a hla sak hmasa ber a ni.

Lawmi Khiangte hian, "A video kan uluk khawp mai a, mahse a rei zelah chuan hetiang em ema uluk reng chu a harsa mai thei," a ti. A video pawh hi a hmuhnawm khawp mai. Lawmi chuan an channel ch‚wm tura hma an lak ṭan char char tur thu a sawi a, MDM library-a a hla dahte erawh a dah tel dawn lo a ti. Lawmi Khiangte bik hi Ṭhazual Lengzem chart-ah pawh a hlawhtling hle a, 'Kan hlimlai ni' hla hmangin Ṭhazual Lengzem 10-ah a zawnin vawi li lai pakhatna a ni thei a ni.