Kroashia-in album tichhuak

MZU Rock Fest-a pahnihna lo ni tawh, Scavenger Rock Idol-a top 5-a lang pha, Kroashia chuan studio album puitling an peih a, an album hi Sekibuhchhuak niin, nizan khan an tlangzarh.

Kroashia hi kum 2010-a din tawh kha a ni a, rock band intihsiak hrang hrangah hnuhma an lo nei tawh a, hlawhtlinna pawh an lo chang tawh ṭhin. Kum 2002 khan extended play 'When we collide' an lo tichhuak tawh a, tuna an album hi an album puitling hmasa ber a ni.

Album hi Hotel Regency-ah tlangzarh a ni a, Mizo hla vek dah a ni. Hla 10 lai a awm a, heng zingah hian music video pawha an lo tihchhuah tawh 'Ka lawm e' tih hla pawh kha a tel a, ngaihthlak a chakawm tawh hle.