Calvin Harris-a'n music lam a khawih leh ṭan

Thor-a Loki lema chang, Tom Hiddleston leh hman ni lawka a bialnu, Taylor Swift te an inngaizawng tia an sawi mek laiin, Taylor Swift-i bialpa ṭhen tak, Calvin Harris chuan music lam a hawi leh tawh.

Taylor Swift nen thla tam vak lo an inngaihzawn hnuah hman ni lawk khan Calvin Harris leh Taylor Swift te hi an in-
ṭhen a, an inṭhen hnuah Rihanna nena music video an siam, This Is What You Came For chu a buaipui a, hemi chungchang thlalak hi a tar chhuak bawk.

Harris hian Taylor Swift nena an inngaihzawn lai thlalak leh thu post zawng zawngte, social media-a a awmna hmun hrang hrangah a thian fai mek a, a thian fai zo ti tih tawh. A nun hlui hi hriatreng a duh lo a nih hmel.

Hetianga music thar a neih a, social media-a Swift lanna hrang hrang a thenfai mek lai hian, Nilaini zan khan Swift leh Tom Hiddleston hi an inngaizawng niin chanchinbu hrang hrangten an chhuah. An thlalak an tichhuak a, hetah hian Tom leh Taylor te hi Rhode Island-ah hun an hmang a, an infawp a ni. Hei hian tunlaia chanchin thar tam zawk chu a luah chho dawn a nih hmel. Hemi chung≠changah hian Calvin chuan engmah a hriat ve loh thu sawiin, an chungchang a ngaihven vak lo tih a sawi.