Aamir Khan film a hlawhtling ber

Bollywood-in film a tihchhuah tawh zawng zawngah Aamir Khan film thar ber chu sum lalut hnem ber a ni. Hei hian Bollywood-a Aamir Khan hlawhtlinzia a tarlang.

India ram hmun hrang hrangah Aamir Khan film hian dodal a hlawh a, hmun hrang hrangah an protest a ni. Heti chung hian Bollywood film zinga sum lalut hnem ber a ni thei.

Aamir Khan film thar PK hi December 19 khan tlangzarh chauh a ni a, tun thlengin he film hian India-ah Rs. tld2.87 zet a lalut tawh. Khawverl puma a sum lakluhte nen chhiar chuan tunah hian cheng vaibelchhe 500 (tluklehdingawn 5) a tling tawh a, tluklehdingawn 6 hmuchhuak thei film zingah a tel pha ṭêp tawh a ni.

A hmaa Bollywood film-a sum lalut hnem ber chu Dhoom 3, ama film tho kha a ni a, ama record siam tawh a rawn khum leh dawn a nih hi. India film sum lalut hnem ber ber panga zingah Aamir Khan hian film pahnih a nei ta a, pakhatna chu tuna mi PK hi a ni a, a dang leh chu Dhoom 3 a ni a, tunah hian pahnihnaah a awm mek. Pathumnaah Salman Khan-a film Kick kha a ni a, palinaah Shah Rukh Khan-a film Chennai Express niin, panganaah Happy New Year a awm.

PK hi alien lam, sci-fi huang chhunga khung theih chi film a ni. Alien pakhat chu khawvelah a rawn kal , research a rawn bei a, hetah hian television journalist pakhat nen an inkawmngeih zui ta a ni. He film hi tihchhuah a nih hma aṭangin Hindu pawl hrang hrang - Vishwa Hindu Parishad (VHP) leh Bajrang Dal ten an dodalin an sawisel nasa hle. Hindu pathian sawichhiatna film a ni e, an ti a ni.