Ludacris-an nupui a nei

Furious 7-ah a chang a, rapper hlawhtling tak a ni bawk ṭhin. Tunah chuan nupui lama hlawhtlin zel tumin Ludacris hian nupui a nei ve ta.

Kum 37 mi rapper ṭhin Ludacris hian Thawhlehni khan instagram-ah a chhass, hunrei tak a lo zui tawh, Eudoxie Mbouguiengue nena an inneih thlalak a rawn tar chhuak. Kar hnih kalta khan an inhual tih an lo puang chhuak tawh a ni.

Inneih thlalak tar chhuah hian mi tam tak ngaihven a hlawh a, chanchinbu hrang hrangin thil chiang zawk hriat tumin hma an la nghal vat vat a ni. Hei vang hian Ludacris-a thupuangtu chuan Ludacris leh Eudoxie Mbouguiengue te hi chawlh chhung khan an innei tih a sawi.

Ludacris-a thupuangtu chuan inhualna an siam hnu lawkah an innei zui nghal mai tih a sawi. "Georgia-ah an kal a, zanriah an kil dun a, in an thlen hnuin an innei nghal deuh mai a ni," a ti. Mo kawr hi amah Ludacris-a thlan a ni. Costa Rica-ah honeymoon an hmang.