Anne Hathaway-in zu leh zial a nghei

Tun Krismas aṭang khan meizial i lo zu ve ṭan a ni mai thei, sim hun lai tak a ni tawh ang, Anne Hathaway pawhin a nghei e. A nghei rualin lo nghei ve la, awmze neiin milarte hnung i zui tihna a ni ang.

Kum 2008 aṭang khan Anne Hathaway hian regu takin mei a lo zu ve ngat ngat tawh a, kum ruk vel zet a zuk hnuah a nghei ta. Kum 2008 khan Rachel Getting Married film a chang a, he film-ah hian ruihhlo ngai lemah a chang a ni. A lem chan aṭang hian mei zûk a ching dawklak a, tunah chuan nghei a ngaiin a hria a, a nghei.

Anne Hathaway chuan, "Tunah chuan ka nghei ta. Kum rei vak lo chu ka zu leh a ni. Ka zuk ṭan aṭang khan ka zu zawm char char lo a, ka nghei rên râwn a, Song One ka produce aṭang khan ka zu leh a ni," a ti.

MLPC Act kan hmang dawn a, zu ṭha zawk man tlawm zawka in theih tum ai chuan zu mana pawisa sên ngai loh tum a ṭha zawk. Zu man to leh ṭha ber ber lei thei a ni. Anne Hathaway hian Dark Knight Rises aṭang ringawt pawh sum tam tak a lalut a, zu tui ber ber leina a nei. Amaherawhchu zu pawh nghei a tum a, tun thleng aṭang hi chuan zu in tawh lo a tum. Kumthar thutiam a siam a, chu chu a tihhlawhtling dawn.