DC FanDome: Hall of Heroes

DC convention lian, hripui len vanga virtual-a buatsaih bung khatna DC FanDome: Hall of Heroes chu Inrinni zanah khan darkar riat chhung neih a ni ta a, September 12 hian a bung hnihna DC FanDome: Explore the Multiverse chu neih leh a ni dawn.

Inrinni zan aṭanga Pathianni tuk thlenga neih mega virtual DC convention-ah khan DC fan-te zawhna tam tak chu chhanin a awm a, movie leh series tuipuitute tan chuan nakkum chu kum ngah­hlelhawm a ni dawn tih a chiang bawk. Kar hmasa lamaa trailer tawite an tihchhuah aṭang khan con­ven­tion panel hrang hrang a hit dawn tih a chiang a, beisei ang ngeiin thil ngahhlelhawm tak tak pawh an rawn chhawp chhuak ngei e.

DC FanDome: Hall of Heroes hi Explore the Multiverse aia thawm nei lian tura ngaih zawk a ni hrim hrim a, nimin lam kha chuan entertainment media site hrang hrangah pawh DC FanDome chungchang hi a tlep tla tuar a ni.