Box Office : 'Despicable Me 4' a rawn lang ta; 'Inside Out 2' in USD mtd 500 la lut tawh

North American box office-ah beisei lawk ang ngeiin Gru leh Minions te an rawn che ṭha hle. Tlangzarh thar 'Despicable Me 4' chuan hma a rawn hruai a, three-day weekend, Zirtawpni leh Pathianni inkarah USD mtd 75 a la lut thei. He animated sequel hian Minions ho rorelna a rawn chhunzawm zel e.

Illumnition/Universal anima-ted film hi kar liam ta Nilainia tlangzarh kha niin, khawvel huapa a sum hmuh chhuah hi USD mtd 230 a tling der tawh.

Box office-ah animated film an la chungnung zel. No 2-ah 'Inside Out 2' la awmin, North America-ah USD mtd 30 a lak luh belh. Pixar animated hian khawvel huapin USD mtd 500 a hmu chhuak tawh a, kumina animated chhuak tawh zinga sum la lut tam ber a ni tawh.

Paramount 'A Quiet Place : Day One' pawh a la che ṭha zel a, a kar hnihnaah No 3-ah awmin USD mtd 21 a hmu belh leh. Analyst-te chuan he film hi USD tld 3.4 la lut thei turin an chhut a ni. Mia Goth channa, 'MaXXXine' pawh R-rating ni chungin USD mtd 6.7 a la lut pha a, NO 4-ah a awm. Hetih lai hian Sony 'Bad Boys : Ride or Die' leh Kevin Costner film 'Horizon : An American Saga' te erawh audience an tlahniam chak hle. 'Bad Boys 4' hian USD mtd 6.5 leh 'Horizon' hian USD mtd 5.5 an la lut a ni.