Russia court-in IS film siamtute kum 6 tang turin hrem

Russia military court chuan Russian theatre director Yevgenia Berkovich leh playwright Svetlana Patreichuk-te chu an play siam, 'The Brave Falcon Finist' avangin kum ruk ve ve tang turin a hrem.

'The Brave Falcon Finist' ah hian an rama tualchhung indona a thlen laia Russia hmeichhe ṭhenkhat, Syria rama kala IS member pasala an neih chungchang a ni. He play siamtute hi IS leh firfiaka chetna chungchang a ṭha zawngin an lantir tiin thubuai siamsak an ni a, kum 2023 May thla khan man an lo ni tawh a ni. Hetih lai hian Berkovich leh Petrichuk chuan firfiaka chetna an duh loh avangin he play hi an siam zawk niin an sawi ve thung a, an play-ah firfiakte demna leh an duh lohzia an lantir niin an sawi. 'The Brave Falcon Finist' hi kum 2020-a an tih chhuah kha niin, Golden Mask Theatre Awards pahnih a dawng nghe nghe a ni.