Virat Kohli-a restaurant lakah thubuai ziak lut

Indian cricketer, Virat Kohli-a restaurant, Bengaluru-a mi chu danin a phal chin aia rei an hawn avangin thubuai siamsak a ni.

Kohli-a restaurant, One8 Commune hi zan dar 1 thleng inhawn phalsak an nih laiin, zan dar 1:30-ah pawh an la inhawng a, a chhehvela miten zan reiah music ring tak takin an play tiin complaint an thehlut a ni. Hei vang hian Cubbon Park Police station-ah FIR ziah luh niin, police-te chuan an chhui zui dawn tih an sawi. Kohli hian Delhi, Mumbai, Pune leh Kolkata-ah a cafe branch hi a nei bawk a, Bengaluru-a mi hi kum 2023 December thla khan a hawng a ni. A cafe chungchangah hian a hma pawhin buaina dang a lo nei tawh a, mi pakhat chuan Mumbai branch-a hian 'veshti' a hak avangin a luh an phalsak lo niin a sawi a, hei bakah Delhi High Court chuan Phonographic Performance Limited (PPL) copyright hla an play a khapsak tawh bawk.