'The Devil Wears Prada' sequel-ah Meryl Streep leh Emily Blunt

Critics lam pawhin an fak, Meryl Streep lemchan thiam zia pholangtu, 2006 hit, 'The Devil Wears Prada' chu kum tam tak hnuah a chhunzawmna siam tum a ni. Meryl Streep leh Emily Blunt-te chu an role chan chhunzawm leh tura sawipui mek an ni a, Anne Hathaway erawh a chang ve leh dawn em tih sawi chian a la ni lo.

Sequel-ah hian Miranda Priestly (Meryl Streep) in magazine an tih chhuah tlahniam chho zel avanga harsatna a tawh leh, a assistant hlui Emily Charlton (Emily Blunt), LVMH-style luxury group-a dinhmun sang tak chelh ta nena an inep chho dan chanchin a ni thung ang. Mi tam zawkin film chhunzawmna siam a ni tur hi an nghakhlel hle a, hetih lai hian ṭhenkhat erawh chuan a film hmasa tawp dan kha a fuhin a lungawi thlak hle a, an thawnthu chhunzawmna lo siam chu ngaihdan ṭha lo tak niin an ngai ve tho bawk.