The Young Messiah Mari lema changin hlawkna a chang

Isua naupanlai chanchin film, The Young Messiah-a a Mari lema chang, Sara Lazzaro chuan he film a chan aṭang hian rinna lamah hlawkna a chhar nasa hle tih a sawi.

Lazzaro hi Italian mi a ni a, The Young Messiah-ah hian Isua nu lemah a chang a ni. The Young Messiah hi Isua naupanlai chanchin, Bible-a kan hmuh si loh a ni. Heroda laka him nana Aigupta-a an awm hnuah, Isua chu Nazareth an panpui a, hemi hun chhung, kum 12 a tlin hmaa a nun a ni.

Lazzaro chuan Mari lema a chang chu thlarau lamah hlawkna tam tak a neihpui tih sawiin, Isua a laichinna a tinghet zual a, nu leh a fapa inlai≠chinna a hriatthiam phahin, Mari'n Isua a ngaina ang khan amah pawhin a ngainat phah niin a sawi. Chu bakah, Roman Catholic mi a nihna angin, Mari chu a nunin nasa lehzualin a zawm phah tih a sawi a, Nu Thianghlim nen inlaichinna nghet zawk a neih phah niin a sawi bawk.

The Young Messiah hi March thlaa chhuah ṭan kha a ni a, tunah hian DVD leh CD te hralh chhuah ṭan mek a ni. An chhuah kar khan box office-ah pawh pasarihna a hauh pha hial a ni.