Charlie Sheen nun a inthlak mek

Khawvel hriatah HIV hrik a pai tih a puan chhuah hnuah Charlie Sheen-a nun chu a danglam mek a, midangten he natna an kai ve lohna tura hmalaknaah a meizanghlaptu a ni mek.

Kum 50 mi actor hi condom company Lelo Hex nena thawk dunin, he company tana palai a ni a, HIV/AIDS doin ke a pÍn mek a ni. A nuna thil thleng chanchin sawiin, "Thil ṭhenkhat hi chhan awm ngeia thleng niin ka hria. Ka eizawnna kawngah emaw, mi attention ka lak theih nan a ni emaw, thil dang reng rengah pawh ka thil tih hi, a ṭha emaw ṭha lo emaw pawh nise, phuah chawp thil eng emaw ni loin, kohna chhang tura kal kawng a ni," a ti.

HIV hrik a pai tih a puan chhuah hma khan a nun chu a hrehawm hle tih a sawi a, mi ṭhenkhat chuan a natna kai chu behchhana hmangin sum siam nana hman an tum a, chutiang nun hrehawm taka a awm hnuah khaw≠vel hriatah a natna kai hi a puang ta a ni. Hetianga mite hriata a puan law law takah chuan Sheen chuan a nun chu a hahdam sawt niin a sawi. A hmaa a nun chu jail chhunga khung ang mai niin a sawi bawk.