People's Choice Award

Nilaini zan khan 2015 People's Choice Awards sem a ni. Awards hi Nokia Theatre Hall, LA-ah sem a ni a, Anna Faris leh Allison Janney ten an host. Milar kal an ṭhahnem hle.

Awards semnaah hian Iggy Azalea, Lady Antebellum leh Fall Out Boy te an zai a, TVleh big screen actor lar rualte pawh an inlan. Ben Affleck chuan chawimawina award an tih mai, Choice Humanitarian Award a dawng.

Movie huang chhung bikah Angelina Jolie channa Maleficient chu Favorite Movie-a thlan a ni a, hei bakah hian Favorite Family Movie-a thlan a ni bawk. A changtu mipaah chuan Robert Downey Jr., Iron Man-a changtu chu Favorite Movie Actor-ah an thlang a, hmeichhiaah chuan Jennifer Lawrence, The Hunger Games changtunu thlan a ni. Robert Downey hi Favorite Dramatic Movie Actor-a thlan a ni bawk a, Jennifer-i pawh hi Favorite Action Movie Actress-a thlan a ni bawk.

TV huang chhungah chuan The Big Bang Theory chu Favorite TV Show a ni a, Pretty Little Liars chu Favorite Cable TV Drama-ah an thlang. Matt Bomer chu Cable TV Actor duh bera thlan a ni a, hmeichhiaah Angie Harmon thlan a ni. Daytime TV Host-ah Ellen DeGeneres thlan a ni a, Late Night Talk Show Host-ah Jimmy Fallon thlan a ni thung.

Ed Sheeran chu music huang chhungah Favorite Male Artist a ni a, Taylor Swift chu Favorite Female Artist a ni. Breakout Artist-ah 5 Seconds of Summer thlan a ni a, Pop Artist-ah Taylor Swift bawk thlan a ni. Hip-Hop-ah Iggy Azalea thlan a ni a, Pharrell Williams chu Favorite R&B Artist-ah an thlang. Ed Sheeran album X chu album duh bera thlan a ni a, hla malah chuan Taylor Swift hla Shake It Off an thlang thung.