The Interview a hlawhtling tho

Big screen-a chhuah a ni lo nachungin The Interview chu electronic sale-ah dah chhuah a ni a, a hlawhtling em em tho. December 24 aṭang khan dah chhuah ṭan a ni a, hemi aṭanga ni li chhungin $mtd15 zet man hralh chhuah a ni a, ni 11 a ral leh hnu phei $mtd31 zet a hmu chhuak tawh.

North Korea vauna avangin theatre-a tih­chhuah a ni lo a, online-in an hralh chhuak thung.

Theatre-a a chhuah theih tak si lohah chuan online-a release a ni a, a hlawhtling viau tho mai. Theatre-a chhuah ni ta se, hapta khatnaah $mtd30 vel la chhuak thei tura ngaih a ni a, he film siam nan hian $mtd40 vel sên a ni.