Taylor Swift album hralh a la nuam zel

Kum 2014 chhunga album hralh hnem ber kha a ni a, kum a thar a, kar khat chhunga album hralh hnem ber a la ni cheu. Taylor Swift album thar 1989 hi a hlawhtling hle a ni.

1989 album hi hapta riat chhung Billboard album chart-ah pakhatna a hauh ta a, mahse a zawn chuan a ni lo. Tunkar chhung khan copy 244,000 zet hralh belh leh a ni a, heng zinga copy 172,000 a album pangngai a ni a, a dang chu track equivalent album leh streaming equivalent album tein a ni.

Taylor Swift hlawhtlinzia heti hian sawi ila a hriat ang. Kum 2008-a a tihchhuah Fearless album kha kum 2008 leh 2009 chhung khan hapta 11 chhung pakhatna a hauh tawh a, kum 2010 khan Speak Now album hmangin hapta ruk pakhatna a hauh leh a, kum 2012 khan red album hmangin hapta sarih chhung pakhatna a hauh bawk.

Pahnihnaah Nicki Minaj album thar The Pinkprint chu a awm a, kar khat chhungin copy 84,000 a hralh a, Ed Sheeran album X chu pasarihna aṭangin pathumnaah a rawn chho a, copy 83,000 a hralh. Sam Smith album chu palinaah awmin, he album In the Lonely Hour hi copy 82,000 hralh belh leh a ni. Guardians of the Galaxy OST chu panganaah awmin copy 70,000 an hralh.

Billboard 200

"1989" - Taylor Swift (244,000)

"The Pinkprint" - Nicki Minaj (84,000)

"X" - Ed Sheeran (83,000)

"In the Lonely Hour" - Sam Smith (82,000)

"Guardians of the Galaxy" Soundtrack - Various Artists (70,000)

"Hozier" - Hozier (60,000)

"2014 Forest Hills Drive" - J. Cole (59,000)

"Into the Woods" Soundtrack - Various Artists (57,000)

"FOUR" - One Direction (55,000)

"My Everything" - Ariana Grande (43,000)