Mithianghlim lawr a hnai tawh Kendrick Lamar

Rapper Kendrick Lamar chu tunhnai khan Billboard chuan an kawm a, hetah hian khawvelin hun kan hman mek chu hun hnuhnung a ni tawh tih sawiin, Mithianghlim Lâwr pawh a thleng ṭêp tawh niin a sawi.

Kendrick Lamar chuan, "Hun tâwpah kan awm tawh a ni...hei hi dik takin ka thinlungin a hria a ni. Bible-a hetiang lo thlen tur chungchang a ziak dan te leh ka piin min hrilh dante pawh ka sawi thei ang. Kei atan erawh chuan hlauhthawn tur a awm lo a, ka chhehvela mite nen inrem takin kan awm a ni," a ti.

Lamar chuan Jesus Chain a awrh chu show atan mai mai a ni lo tih a sawi a, a rilru tak tak zawk a ni, a ti.

US-a Ferguson khuaa police-in midum an kahhlum chungchangah Lamar chuan, "Police-te hian ka vun rawng vang a ni ngei ang, vawi tam tak dik lo takin min lo ti tawh a ni," a ti. Ferguson khuaah hian Michael Brown leh Eric Garner te kahhlum an ni a, Lamar chuan hmanlai chanchin aṭanga chhuiin, police-te leh African-American te inkarah hian eng emaw deuh chu a awm tawh niin a sawi.