Elvis-a hla hmasa ber an hralh to

Ningani khan Elvis Presley-a hla record hmasa ber chu lilam a ni a, $nuai3 zeta hralh a ni.

Elvis-a hla an hralh hi My Happiness a ni a, acetate recording a ni a, Elvis-a'n hla a record hmasak ber a ni. Lilam hi Elvis-a in ṭhin, Graceland-ah neih a ni a, a hla record hmasak ber leitu hi tarlan a ni lo. $sing5 aṭanga lilam ṭan a ni a, an inlân chho nasa hle a ni.

My Happiness hla hi kum 1953-a Sun Records-a Elivis-an a record a ni. Hetihlai hian Elvis hi kum 18 mi chauh a la ni a, record nan hian $4 chauh a seng. Hetihlai hian Elvis-a te record player an la nei lo a, a record zawh veleh Elvis-a hi Memphis-a a ṭhianpa, Ed Leek te inah a kal a, hetah hian a ngaithla a, a dah zui ta nghal a ni.