Angelina-in Pope a hmu

Ningani khan Angelina Jolie chuan Pope Francis a tlawh a, hetah hian a film, Unbroken chu a bik liau liauin a screen.

Pope Francis hian amah hmu tur leh a film, Unbroken chhuah tur hian Angelina hi a sawm a, Angelina-in mak a ti a, a phur hle a, Unbroken hi Political Academy of Sciences tan a chhuahsak a ni.

"Ka film chhuahsak tur leh Vatican tlawh tura min sawm hi chawimawina ropui tak a ni a, Unbroken-a ka thawnthu siamte min ngaihhlutsakna a ni. He film hi Louis-a chanchin, chakna leh ngaihdamna chanchin a ni," a ti.

Universal Pictures, he film buaipuitu chuan, "Louis Zamperini chanchin hria Pope Francis hian he film enna hun ṭha bawhpelh a duh lo a, a phur a, Casina Pio IV-a an screen turah pawh a kal theih ngei kan beisei a, amah pawhin a tum a ni," a ti.

Unbroken film hi US mi, Olympics-a lo tel tawh Zamperini chanchin a ni. Amah leh thlawhtheihnaa thawk mi pahnihte Indopui II laia an thlawhtheihna chhiaa hliam leh harsatna hrang hrang kara dam khawchhuak ta chanchin a ni. Japan sipaiten an man a, kum hnih Japan-ho kutah hian a tâng a ni.