Sachin-a film-ah amah Sachin

Cricket lama khawvel mi ropui, Sachin Tendulkar chu a chanchin film-a siam tum a ni a, hetah hian amah ngei a chang dawn niin an sawi.

Times of India-in a tarlan dan chuan Sachin Tendulkar hi ama chanchin film an siam turah amah ngei a changtupaah a ṭang dawn a, hetiang hi a thil vang tak mai a ni. Mimal chanchin film-a siamah hian anmahni lem kha midangin an chang tlangpui.

God og Cricket tia an sawi ṭhin Sachin-a chanchinah hian a nun hman chhoh dan leh cricket-a a hlawhtlinnate tarlan a ni ang. Mumbai-a Shivaji Park-a a naupanlai hun a hman dan te, ngaihzawng a neih leh, Anjali nena an inneih te, chawimawina hrang hrang leh record a break dan zawng zawngte tarlan tum a ni.

A buatsaihtute zinga mi Ravi Bhagchandka chuan he film hi siam zawh a nih hunah khawvel puma theatre 2000 chuangah chhuah nghal a nih tur thu a sawi.

Sachin hi kan hre em em a, kum 2013 aṭang khan cricket a chawlhsan. Crciket a Cricket a khelh chhung hian run 34,357 a siam a ni. Nikum khan kum 25 a inkhelh chhunga a chanchin, Playing it My Way tih lehkhabu chu a tichhuak a ni.