'Shrek 5' ah Eddie Murphy, Cameron Diaz leh Mike Meyers

DreamWorks Animation leh Universal Pictures chuan 'Shrek 5' siam a nih tur thu sawiin, original cast member - Mike Meyers, Eddie Murphy leh Cameron Diaz-te chuan an role ngai, Shrek, Donkey leh Princess Fiona te tan aw an thawh leh dawn.

'Shrek 5' hi kum 2026 nipuia tih chhuah tura ruahman a ni a, a film hmasa lam lo buaipuitu, Walt Dohrn bawkin a direct leh dawn a, Gina Shay leh Chris Meledandri te chu producer niin, Brad Ableson chu co-director a ni ang. He franchise hi William Steig-a'n 1990-a naupang pual lehkhabu a siam behchhana siam niin, 2001-ah Shrek film hmasa ber hi tih chhuah a ni a, a film hmasa palite hian USD tld 2.9 chuang an la lut a ni.