Anant-Radhika inneih dawn vangin hotel thlen man to

Billionaire Mukesh Ambani fa naupang ber, Anant Amabani leh a nupui hual, Radikha Merchant-te chu vawiin hian Mumbai-a Bandra-Kurla Complex (BKC)-a Jo World Convention Centre-ah an innei dawn. An inneih dawn vang hian BKC-a hotel thlen man a to phah hle a, BCK-a hotel lian hoa room-te chu July 10 leh 11 atan a hma aṭangin an lo book khat vek tawh bawk.

Hotel hrang hranga room rate pawh an tihsan phah nasa hle a, zan khat thlen man Rs 13,000 ni ṭhin chu Rs 30,150 niin, Rs 40,590 man chu Rs 91,350-ahte tihsan a ni a, mahse July 15 aṭang chuan thlen man hi an rate pangngai ang a ni leh tawh ang.