Dave Grohl bday concert a ropui

Inrinni zan khan Dave Grohl birthday pualin Foo Fighters chuan concert an buatsaih a, hetah hian rocker ropui tak takte an inlan.

Foo Fighters band din chhuaktu, Nirvana, Queen of the Stone Age te nena lo cheho tawh, Dave Grohl bday lawmna hi California-a Inglewood-ah neih a ni a, kum 46 a ni ve ta. Birthday concert hi a ropui a, rocker, hranghlui ropui tak takte an inlan a, fan an hlimin an lawm.

Bday concert-ah hian Tenacious D, KISS-a mi Paul Stanley, rocker rapthlak ṭhin Alice Cooper te, Van Halen-a mi David Lee Roth te inlan chuan ngaihhlut a hlawh hle. Heng mite bakah hian GnR guitarist Slash te pawh inlan zinga a neu lo pawl an ni. Ozzy-a guitrist ṭhin Zakk Wylde te, Motorhead frontman Lemmy Kilmeister te pawh a che nasa pawl an ni.

Slash, Jack Black Tenacious D leh Foo Fighter te hian Queen hla, Tie Your Mother Down leh Led Zeppelin hla Immigrant Song an sa a, a hmain KISS-a mi Stanley chuan an band hla hit, Detroit Rock City leh Do You Love a ar mit ṭet khuanpui bawk.