Taken 3-in US #1 a rawn la

Liam Neeson channa hit, Taken film thar ber, Taken 3 chu US-a box office-ah pakhatna a rawn hauh a, The Hobbit: The Battle of the Five Armies chu a pawtthla. Taken 3 hian kar tawp chhung khan $mtd9.4 a lalut.

Taken hmasa ber kha kum 2009-a tihchhuah a ni a, a hlawhtling hle a, a hlawhtlin avangin Taken 3 thleng siam a nih phah. Taken kha a hlawhtling viau nachungin, sum lakluh aṭanga chhut chuan Taken 3 hi a hlawhtling zawk fe. Taken khan opening week-ah $mtd24.7 chauh a lalut a ni.

Tak3n-ah hian Bryan Mills (Liam Neeson) chu tualthattua puh a ni. A nupui ṭhen tak, Lenore chuan a pasal Stuart nen an inkar a ṭha lo hle tih Bryan Mills hi a hrilh a, an inkar chhêm nun leh a tum a, mahse Mills hian pasal a la neih chhung chuan a duh lo. Hei hi Lenore pasal, Stuart chuan a lo hria a, Mills hi vauin, a nupui lo hnaih tawh lo turin a hrilh. Hemi hnu hian Lenore chuan Mills chu amah hmu turin text message-in a hrilh a, a va thlen chuan Lenore chu thiin a hmu a, miin an lo that a ni. Chumi hmun a thlen rual thuak chuan police an rawn lang ve nghal a, amah chu tualthattuah an puh chungchang a ni.

Box Office top 10

"Tak3n" - $mtd40.4

"Selma" - $mtd11.2

"Into the Woods" - $mtd9.7

"The Hobbit: The Battle of the Five Armies" - $mtd9.4

"Unbroken" - $mtd8.3

"The Imitation Game" - $mtd7.6

"Night at the Museum: Secret of the Tomb" - $mtd6.7

"Annie" - $mtd4.9

"The Woman in Black: Angel of Death" - $mtd4.8

"The Hunger Games: Mockingjay, Part 1" - $mtd3.7