Ṭhazual faknaa pakhatna Idol 2015 Rebecca Zorintluangi

Pensy-i 'Duhthlanna ruam' aṭanga rawn hnuk chhuak a, a lÍra rawn chuangkai chu Mizo Idol 2015, Rebecca Zorintluangi hla 'Kraws mak tak chu' a ni.

Idol a nih hnua Rebecca Zorintluangi'n ama mimal music video a neih hmasak ber chu beisei lawk ang ngeiin RTS Khatla Ṭhazual Faknaah pakhatnaah a rawn chuangkai. Mizo Idol 15 a ni a, khata ṭang khan zai lama a neu lohzia kan hmu a ni. Music video a rawn siam tirh phat pawh khan a hniam lamah ai chuan a sang lama a lan a rinawm zawk hle a, rin ang ngeiin pakhatna a rawn ni ta.

'Kraws mak tak chu' tih hla hi Rebecca hian March thlaa a siam peih tawh, TV-a a pek chhuah kha a ni. Mizo Idol-a thlan a nih hnu khan zirna avangin hostel-ah a inkhung zui nghal ngar ngar a, chumi chhung chuan nasa lehzualin a inzir tih hriat takin music video thar-ah Idol hunlai aia ṭha mah khan a rawn zai a, chu music video chu tunah hian a sang ber a rawn thlenpui ta a ni.

March thlaa TV-a a pek luh kha a ni a, April 25-a chart tihchhuahah khan pariatnaah a rawn lang thei nghal pang mai. May thlaa chart tihchhuah hmasak berah paruknaah kai chhoin, May 23 khan paruknaah bawk a ṭhu a, June 6-a Fakna chart tihchhuah lehah khan pahnihnaah a rawn invawrh d‚wrh a, tunah chuan pakhatna a luah ta a ni.

Pensy hla, a hmasaa pakhatna thleng thei 'Duhthlanna ruamah' chu pathumnaah a chhuk a, pathumna
aṭangin Amtea hla 'Ka thlang ber che' tih chu pahnihnaah a rawn chho thung. Stacy VL Muanpuii hla 'Khawngaihna thing kraws' chu parukna aṭangin palinaah a rawn chuangkai thei tawh a, pakhatna vawi eng emaw zat lo thleng tawh One in Christ-in hla 'Ni thar' chu panganaah a awm. Top 10-ah hian Estheri Khiangte hla 'Hmangaihna hlu' chu top 10-ah a rawn lang thar a, Baby Malsawmtluangi hla 'Ka hlau lovang' tih chu top 10 aṭangin a chhuak thung.

RTS Khatla Ṭhazual Fakna

1 Rebecca Zorintluangi - Kraws mak tak chu

2 Amtea - Ka thlang ber che

3 Pensy- Duhthlanna ruamah

4 Stacy VL Muanpuii - Khawngaihna Thing Kraws

5 One in Christ - Ni Thar

6 Mawitei - A thlamuan ang che

7 Chris MS Dawngkima - Thinlungin ka fak ang che

8 Betea - Ka tan I tuar

9 Hlimhlimi - I pan ang u

10 Estheri Khiangte - Hmangaihna Hlu