Mizo Dance Camp an ṭan

Nimin, Thawhṭanni aṭang khan Mizo Dance Camp chu ṭan a ni a, he ta zirtirna rawn pe tur hian India hmarchhaka l‚m thiam, hming chher tak takte pawh an rawn kal a, dance battle buatsaih tur≠ah judge an ni bawk ang.

Mizoram pawn aṭanga rawn kalte zingah hian Red Bull BC One India Cypher-a hmarchhak tihmingṭhatu, Manipur-a mi, Solen Hip te, Meghalaya-a mi Ronin Moi leh Arunachal Pradesh-a mi Nikum Takam te pawh an tel a ni. Nikum Takam hi kum 2014 khan K-Pop contest-a India hmar≠chhaka pakhatna lo ni tawh, National level-a pahnihna lo ni tawh kha a ni. Hei bakah hian kumin≠a Hip Hop Championship India-ah khan semi final a thleng nghe nghe. Ani bakah hian Shillong
aṭangin experience ngah leh ngaihhlut, Pranab Flux te an rawn kal dawn bawk.

Heng artist te bakah hian regular class pe turin, tun hnaia Mizo dancer achievement nei ṭha, Isaac Chhakchhuak (Frozen Crew), Zuala Hmar (Riborn MSL 2016 Winner), Angela Khuma (Nerds of War MSL 2015 Winner) leh Zo-Nation & MDC Creative Director Alan Rinawma ten vawiin
aṭang hian class an pe ṭan ang. Kar thum chhung he regular class hi puitling leh naupang tana neih a nih hnuah, workshop leh dance battle-in a chhunzawm dawn a, a khar nan Final Showcase chu Vanapa Hall ah July 15 hian neih a ni ang.