Golden Globes entu an ṭhahnem

Pathianni zana 72nd Golden Globe Awards TV aṭanga entu kha maktaduai 19.3 lai an ni.

Award sem inkhawm hi Tina Fey leh Amy Poehler ten a vawi thum­na atan leh a hnu­hnung ber atan an host a, nikum aiin entu an tlem zawk. Nikum khan TV aṭanga entu hi maktaduai 20.9 an ni a, nikum aia kumin a tlemna hi zaa 8 a ni. Kum 18-49 inkar, ṭhalai zingah phei chuan entu an tlahniam nasa lehzual. Nikum nena khaikhinin heng age group aṭanga entu hi zaa 11 ngawtin an tlem niin Nielsen Media Research chuan a sawi.

Tine Fey leh Poehler te hi NBC comedy show Saturday Night Live aṭang lar leh hriat hlawh an ni. Kum 2013 aṭang khan an host ṭan a, hemi kum hian entu maktaduai 19.7 an nei. Golden Globe Awards hi Hollywood Foreign Press Association-in a buatsaih a ni.