Chris Brown concert-ah buaina

Pathianni zan khan California-a San Jose-a Fiesta Nightclub-ah Chris Brown chuan concert a nei a, hetah hian silai a puak a, mipui an chiai. Mi panga lai an hliam.

Chris Brown hian Loyal hla a sa mek a, a sak lai hian silai hmehpuah a ni a, mipui an chiai a, amah pawh a buai. Hmun him panpui nghal thuai a ni a, hliam a tuar lo a, silai hi khawi lam zawnga hmehpuah nge a hriat loh. Mipui chiai innek vel vang hian mi pangain hliam an tuar a, damdawi in panpui an ni.

Police-te chuan silai hmehpuah hi an chhui nghal a, tun thlengin tu hmehpuah nge tih hriat a la ni lo. Silai hmehpuah a nih avang hian a concert pawh a laklawhah tihtawp a ni ta a ni. Chris Brown-a concert-ah hian buaina a chhuak zeuh zeuh tawh a, nikum August thlaah khan a telna event-ah tharum thawhna a thleng tawh bawk.