Dota 2-ah lawmman a ṭha ber

Esports khawvel kan hai hawng ta sa sa a, khawvelin eng game nge a ngaihven a, eng intihsiaknaah hian nge sum tam tih hriat hi kan kal zelna tura thil pawimawh a tling. Game nazawngah competition a awm lem lo a, khawvelin ngaihven lian deuh deuh a nei a, chungte chu game ho te te buaipui loa khelh tak taka khelh ve chuan hlawhtlinna a awm a ni.

Game hrang hrang zingah Dota 2 chu prize money tamna ber a ni a, tournament erawh a tam ber chuang lo. Dota 2-ah hian esport khawvelin a hriat thama lian tournament 305 zet kum khat chhungin a awm hman a, henga lawmman an sem chhuah zawng zawng belhkhawm hi $24,873,843.40 zet a ni. A kum têlin tournament a tam belh a, prize money pawh a ṭhang. Prize money mai bakah hian game developer-te nena thawhhona remchang tak tak a tam phah hle.

League of Legends-ah hian Dota 2 ai mahin tournament a awm ngun zawk. Tournament 1224 zet a awm ṭhin a, Dota 2 nen hian he game hi Multiplayer Online Battle Arena an tih chhunga mi a ni. Kum khat chhunga League of Legends tourney-a lawmman an sem chhuah hi $18,865,933.66 zet a tling.

Strategy game ngaina tak tak hi Mizote zingah kan tam lo a ni mai thei, Starcraft game-ho pawh hi chuti takin Mizoramah a lar tlat lo. Mahse khawvel huap erawh chuan a lar a, kheltu pawh an tam. Starcraft 2 hi intihsiak nana hman nasat ber a ni a, kum khat chhunga lawmman an sem chhuah zat hi $15,020,109.98 zet a ni.

Mizotena kan hriat leh kan khelh nasat, Counter-Strike hi khawvel huap pawha inelna tamna pawl a ni. Kum khat chhungin tournament 536 zet a awm a, heng tournament-a an sum sem chhuah zat hi $10,508,175.73 zet a ni. First Person Shooter game-ah chuan khelh hlawh berte zinga mi a ni.

Starcraft zingah Starcraft 2 loa an khelh nasat leh chu StarCraft: Brood War hi a ni a, kum khat chhunga prize money-a sum sen pawh $5,753,023.64 lai a ni a, tournament pawh vawi 238 lai a awm ṭhin.

Heng game bakah intihsiaknaa sum an sem chhuah hnemna dang lehte chu WarCraft 3 a ni a, $3,733,844.72 sem chhuah a ni a, Counter-Strike: Global Offensive-ah $3,354,082.19 sem chhuah a ni a, Smite-ah $3,118,640.98, World of Warcraft-ah $1,990,897.65 leh Counter-Strike-ah $1,876,815.92 a ni.

Game genre zawnga ṭhenah, Strategy-ah Age of Empires II: The Age of Kings, Age of Empires III, First Person Shooter Game-ah Battlefield 2, Call of Duty hrang hrang leh Halo hrang hrangteah competition-a lawmman sem chhuah a tam pawl a tling. Sports game zingah FIFA hrang hrangah competition a tam a, chung zingah pawh 2002 FIFA hi a lar pawl a la tling.