Taylor Swift-in thilpek a pe

A lawmawm ngawt ang, Taylor Swift fan pakhat chuan Taylor Swift hnen aṭangin thil­pek hlu tak leh pawisa ṭhahnem tak a dawng.

Thilpek dawngtu hi Rebekah Bortniker a ni a, a hmain Bortniker hian a ṭhiante nena an video chu collage-in, video a siam a, a theme song-ah Swift hla Friends a hmang. Hei hi Taylor Swift hian a lo hmu a, hei vang hian thilpek hi a pe a ni.

Swift-in thilpek a pekah hian ama thuziak bakah $1,989 check a dah tel bawk. Hei hi Taylor Swift album thar ber 1989 number zat chiah a ni.

Bortniker hian thilpek fun lian tak a dawn a phelh a, a ngaihsan Taylor Swift hnen aṭangin a ni tih a hriatin nasa takin a au chhuak tih a sawi a, a lawm lutuk chu a mittui a tla hial a ni. Card-ah hian Swift chuan a video a lo hmuh avanga a lawmzia thu a ziak a ni.