US-ah Psy leh Exo-K an hlawhtling

US hi pawisa tamna a ni a, he hmuna hlawhtling hi chu an hlawhtling a ni mai. K-pop music video hrang hrang zingah kum 2014 chhung khan US-ah chuan Psy-a hla, Snoop Dogg nena an zaina, Hangover chu entu ngah ber a ni a, a dawtah EXO-K video, Overdose a awm.

Psy hi kum 2013 pawh khan US-a K-pop video en nasat ber a ni tawh a, a kum zawnin pakhatna a hauh a ni.

EXO-K-in Korean version-a Overdose an sak chu pahnihnaah a awm a, EXO-M-in Chinese version-a an sak chu 24-naah a awm bawk. EXO tan chuan hlawh­tlinna lian tak a tling.

US-a K-pop video en nasat tar chhuahah hian YG Entertainment leh SM Entertainment an inel a ni ber a, hemi karah hian Cube Entertainment an rawn lang bawk. YG hnuaiah hian Psy, G-Dragon, 2NE1 leh Taeyang te an awm a, G. Dragon leh Taeyang te video Good Boy chu pathumna a ni a, Taeyang hla, Eyes, Nose, Lips chu palina niin, 2NE1 hla Come Back Home chu pangana a ni.

SM Entertainment-ah hian EXO leh Girls' Generation te an awm a, Girls' Generation hla Mr. Mr. chu pangana a ni. Cube Entertainment hnuaia mi HyunA hla Red chu pasarihnaah a awm.

f(x) hla Red Light pariatnaah a awm a, HIGH4 & IU, "Not Spring, Love, or Cherry Blossoms" chu pakuana niin, Beast 'Good Luck' chu 10-na a ni.