Razzie Awards-in ngaihven a hlawh

Movie ṭhat lohna hrang hrang thlan chhuahna award, Razzie Awards chu nomination puan chhuah a ni a, Transformers: Age of Extinction chuan nomination a hmu hnem ber.

Transformers thar ber hi category pasarihah ngawt a lang a, chung zingah chuan worst picture, worst screenplay leh director te hi a langsar lai a ni. Transformers dawta lang hnem leh chu The Legend of Hercules leh Kristian film, Saving Christmas te an ni a, parukah ve ve an lang.

Worst picture-ah hian Transformers bakah Hercules, Saving Christmas, Teenage Mutant Ninja Turtles leh Left Behind te an lang. Cameron Diaz chu worst supporting actress-ah a lang a, actor-ah chuan Seth McFarlane a lang thung.