Kanye West-a'n professional music chawlhsan a tum

Kanye West, Ye tia a hming thlak ta chuan professional music chawlhsan a tum niin a thawhpui pakhat chuan a sawi.

He thu hi rapper, Rich the Kich nena an inbiaknaah a sawi a, Rich the Kid hian a inbiakna screenshot hi X-ah a rawn share a, Ye hian professional music chawlhsan a tum thu leh, eng nge a tih tur ber erawh a la chian loh thu a sawi. Mahse a thil post hi a hnuah a delete leh a ni. Hetih lai hian Ye leh Ty Dolla $ign te chuan an sequal project, 'Vulture 2' chu August 23 hian Korea-ah tih chhuah an tum tih Ty Dolla $ign chuan Instagram lamah a lo sawi tawh a ni. Thenkhat chuan Rich the Kid hian July 19-a a album tih chhuah tur, 'Life's a Gamble'-a hla pahnihah Ye hi a thawhpui a, he album tihlar tumna pakhat niin an puh ve thung.