Spotify Billions Club playlist-ah rock/metal band 44 hla an tel

Music streaming app lian, Spotify-in Nilainia an app kaltlanga hla, stream tlukdingawn nei pha chin, "Billions Club' playlist a tih chhuahah hla 682 an lang.

Spotify stream tld nei pha chin zingah hian rock leh metal band 44-te hla 70 a lang a ni. Queen leh Red Hot Chili Peppers chu rock/metal band zingah stream tld nei pha hla ngah ber niin, hla panga ve ve an nei. Rock band zinga khawvel huapa album hralh ṭha ber, The Beatles erawh chuan hla pakhat 'Here Comes the Sun' chauh stream tld nei pha hi a nei thung. AC/DC chuan hla pali an lanpui a, Aerosmith-in hla pahnih, Black Sabbath in hla pakhat, Blink-192 in hla pakhat leh Jon Bon Jovi hla pahnih an lang bawk a ni. Eagles hla 'Hotel California' pawh stream tld nei zingah hian a tel a, Guns N' Roses hla pathum, 'Sweet Child of Mine', 'Welcome to the Jungle' leh 'Paradise City' chu Billion Club playlist-ah hian an lang pha bawk.