'Horizon 2' tlangzarh hun tur sawn

Kevin Costner-a film 'Horizon : An American Saga-Chapter 1' chuan box office lamah beisei a pha lo a, he vang hian August 16-a a sequel, 'Chapter 2' tlangzarh tura tih chu distributor New Line Cineman leh Costner production company, Territory Pictures chuan an sawn. Tlangzarh hun tur hi an la ruat lo.

'Horizon : Chapter 1' hi USD mtd 100 budget a nih laiin, North America-a an sum hmuh chhauh tawh hi USD mtd 22 chauh a la ni a, ram pawn lamah pawh a che ṭha lem lo a ni. Theatre-a chhuah mek a ni chungin July 16 hian Premium VOD ah tih chhuah a ni bawk ang. Chapter 1 hian sum a la hmuh belh theihna turin a siamtute hian hun pek leh phawt an duh a, hei vang hian Chapter 2 tlangzarh hnan mai an ngam ta rih lo a ni.