Katy Perry-i'n Dr Luke a thawhpui vangin fan-te an lawm lo

Katty Perry chuan September 20 hian a album thar, '143' a ti chhuak dawn tih Nilaini khan a sawi chiang ta a, mahse a producer hlui Dr Luke a thawhpui leh dawn avangin a fan ṭhenkhatte an lawm lo hle.

Dr Luke hi Kesha chuan kum 2005-a party zawha damdawia hrai ruiin a pawngsual niin a lo puh tawh a, mahse Dr Luke hian dawta puh leh amah tihmingchhia tiin a khing let ve leh bawk. Kum kua zet an inkhin buai hnuah, nikum khan court-a an kal leh hmain an inrem thei ta a ni. Hetiang chanchin sawi hlawh tak nei a la thawhpui leh avang hian Perry fan ṭhenkhat chuan social media lamah an lawm loh thu hi an sawi a, Dr Luke produce a nih chhung chuan a hla tharte chu an ngaithla thei dawn lo ti tein an sawi.