Xiaomi-in huang an zauh
Chinese company, Xiaomi chuan Samsung leh Apple an el pha tawh a, chuvang chuan an huang an zauh zel.
Xiaomi hian Mi Note leh Mi Note Pro te an an siam thar a, hengte hi a specs chu a pui leh rem rem khawp mai a, a man erawh Samung leh Apple-a a anpui aiin a tlawm leh duai a rinawm.
Mi Note hi protective glass 2.5D hmang a ni a, 5.7 inch a hlai hmai a nei a, a processor hi Snapdragon 801 processor niin, 3GB RAM a hmang a, a hnunglam camera hi 13MP a ni a, a hmalam hi 4MP a ni thung. LTE dual SIM a ni. Mi Note hi chi hnih, 16GB leh 32GB te a awm dawn a, 16 GB hi $370 a ni ang a, 32GB hi $450 a ni ang. India market-ah chuan India pawisa hlutna zata dollar chhut ngawt aiin a tlawm a rinawm.
Mi Note Pro erawh a man a to deuh hlek ang a, $530 a ni ang. 64-bit Snapdragon 810 processor a hmang a, Quad HD display niin, 4GB RAM a hmang. April thla vel aṭangin lei tur a awm chauh hmel.