Nicole Kidman faten acting lamah a hnung zui an tum lo

Actress hlawhtling a ni a, mahse Nicole Kidman fate hian an nu anga actress nih ve erawh an tum lo.

Nicole Kidman fanu pahnih - kum ruk mi Sunday Rose leh kum li mi Faith Margaret te hi an la naupang viau nain, sapho chuan thutlukna naupangte pawh an siamtir thiam a, puitling tura an zirtirna a ni. An thutlukna leh ngaihdan pawh an zahsakin an hriatthiamsak hle. Heng mite pahnih hian an nu anga film lama kal ve an tum lo.

Kidman chuan, "Acting hi nuam ka tih, ka châk a ni a, mahse ka fanute pahnih hi chuan an ngaihsak loh hmel hle. 'Aih, kan tuipui lem lo' tiin min chhang a ni," a ti. "Sunday-i hi chuan party planner nih a châk. Nu niha ina awm a, fa pariat neih a duh tih a sawi a, hei hi a kalna tur lam a nih duh hmel khawp mai," a ti.

Tom Cruise nen khan fa pahnih an nei a, an lian tawh hle. A upa zawk Isabella chu kum 22 mi a ni a, Connor chu kum 19 mi a ni. Sunday leh Faith te hi Keith Urban nena an fa a ni. Film lamah a kal na ta lo ang reng hle a, "Sunday-i ka pai aṭang khan a ni tain ka hria, in lamah ka awm tam ta hle a, ka hna ber pawh hi ka bansan a ni deuh thial tawh a ni," a ti.