Meghan Trainor album beisei a sang

All About That Bass hmangin a rawn invawrh lar a, nikuma a EP tihchhuah pawh a hit ang reng viau. Meghan Trainor hian he a EP tihchhuah hi Thawhlehni khan a tlangzarh ṭha leh a, beisei a sang hle.

Meghan Trainor album hi karleh khi chuan pakhatna ni thei tura beisei leh ngaih a ni a, Taylor Swift a vawrh thlak theih an ring. Industry forecaster te chuan All About Thar Bass singer hian copy 220,000 a hralh theih mai an beisei a, hetiang zat hi a hralh chuan Billboard 200-ah pakhatna a hauh ngei ang.

Nikuma EP-a a tihchhuah kha September 27-a tihchhuah a ni a, Billboard album chart-ah 15-naah a awm thei a ni.