Aamir Khan Pak-ah a lawm lo

A channa film thar PK chu India mai ni lo, India hmelma hlun Pakistan-ah hit namenin a hit lo a, Pakistan-ah hian an lo ti lutuk deuh a, Aamir Khan a lawm lo a, legal notice a thawn hial.

Pakistan-a media ṭhenkhat chuan Aamir Khan-a film PK a hlawhtlin avangin an website-ah Aamir Khan interview-na an dah chhuak hlawm a, a tak takah erawh Aamir Khan hi an kâwm lo a, interview pawh hi an phuah chawp a ni. Hei hi Aamir Khan-an a lo hriatin a thin a rim hle a, legal notice a thawn hial.

Hetianga a lem chang leh interview lem tihchhuahah hian Aamir Khan a fir hle a, tunhnai pawh khan Mumbai-ah police-ten mi pahnih an man tawh. Ama lem chang pakhatin social media-ah message a lo tidarh a, Aamir Khan chuan police hnenah report-in police-te hian hma an la nghal a ni.