Neeson-an Kristian a kalsan lo

Taken 2 kha Turkey-a chan a ni a, Turkey-a an chan lai hian Liam Neeson hi Islam sakhuaah a inpe niin an sawi a, mahse Liam hian Kristianna a kalsan lo tih a sawi.

Liam Neeson hi Irish mi a ni a, Catholic chhungkua aṭanga seilian a ni a, mahse Turkey-a film an chanlai hian Islam chuan a rilru a la hle tih a sawi. "Mosque ringawt pawh sang li chuang a awm a, chunga ni tina vawi nga an ṭawngṭai rual dual dual chuan rilru a hneh ang reng. A tir chuan chuti zat zat ṭawngṭai chu ninawmah a chang ang a, mahse a reiah chuan thlarau nun a khawih ngei ang," a ti.

Taken 2 an chanlai chanchin Dubai-a an zawhnaah Liam chuan Islam-a inpek mai chu a rilruah a awm rum rum tih a sawi a, thinlung taka ṭawngṭai nuam a ti tih a sawi bawk. Kristian a la ni reng tih a sawi a, chhuahsan tumna emaw a nei tawh lo tih a sawi bawk.