Gaga-in album a buaipui

A reh rei leh ta deuh a, mahse a reh reng dawn lo. Lady Gaga chuan tunah hian album thar a buaipui leh ṭan mek.

Gaga hian a producer ngai RedOne a thawhpui leh a, ani nen hian kum 2008-a a tihchhuah The Fame-a track hit tak tak - Just Dance, Poker Face leh Love Game te an lo siam dun tawh a, hemi hnu, kum 2011-a a tihchhuah Judas-ah pawh khan hla eng emaw zat an lo siam dun tawh a ni.