Spotify-in subscriber a ngah

Online streaming music service lar chak tak Spotify-ah chuan tunah hian subscriber maktaduai 15 lai an awm tawh.

Stockholm-a innghat Spotify hian Thawhṭanni khan kum 2014 kum a tawp thlenga subscriber an neih zat an puang chhuak a, sum pea subscribe hi maktaduai 15 lai an awm tawh a, khawvel pumah he service regular taka hmang chu maktaduai 60 vel zet an awm tawh bawk.

Zaithiamten an hla, a album tawp tawpa an dahna Spotify hi a lian chak hle a, nikum khan Taylor Swift chuan he service-a a hla zawng zawng a la chhuak a, mahse hei hian nghawng a nei lian lutuk lo niin alang.

May thla khan he service hian paid subscriber maktaduai 10 an nei a, nikum chhung ringawt maktaduai 5 vel zetin paid-ho hi an pung a nih chu. Taylor Swift hian zaithiamten royalty an dawn chungchanga inhnialna avangin a hlate hi a la chhuak a ni.

Hla pakhat stream a nih hian kha hla satu zaithiam khan $0.006 leh $0.0084 inkar chauh a chang a, Spotify sum lakluh zaa 70 zet chu rightsholder ten an chang thung a ni. Hei vang hian Taylor Swift hi a inla chhuak.