Ngaihdam theih loh Wahlberg

Actor Mark Wahlberg hian thil pawi tak mai a khawih a ni, prosecutor ṭhin pakhat chuan Mark Wahlberg-a thil tihsual hi ngaidam lo turin a ti thung.

Mark Wahlberg hian Asian mi pahnih chu kum 1988 daih tawh khan a lo sawisa tawh a ni âwm e, he a thil tihsual hi Wahlberg chuan ngaidam mai se, a duh a, mahse Massachusetts-a prosecutor ṭhin Judtih Beals chuan ngaihdam tur a ni lo, a ti tlat thung.

Judith Beals chuan, "Actor hian chi inthliarna lam hawia bei a ni lo a, zu leh ruihhlo kaihhnawih vanga khawih a ni zawk," tih sawiin, mahse hengte hi racism leh tharum thawhna hrim hrima ngaih theih a ni a, thil pawi tak a ni a, ngaihdam loh zawk a ṭha niin a sawi.

Kum 1988 khan, Mark Wahlberg la sual lai khan, Wahlberg hian Vietnamese pakhat chu a zu a rûksak duh vangin tiangin a luah a vua a, pakhat dang chu police-te laka a him theih nan a hmaiah a hnek bawk.